| Muerto va el hijo del rey, muerto va por Ferismena. | |
| 2 | Un día estando en la mesa sintió apregonar guerras; |
| ya tomó mula y caballo, se iba para la guerra. | |
| 4 | A la tornada que torna se echó por ande la esfuegra. |
| La esfuegra, desque lo supo, a resibirlo saliera: | |
| 6 | --¿Qué hasiais, la mía esfuegra? --El mi yerno, bien vinierais; |
| que asin la mi hija, la mi hija Miraibella, | |
| 8 | priñada está de ocho meses, solo está en tieras ajenas. |
| --Muncho me arrogó y me dixo si puedía venir ella; | |
| 10 | si ella no puedía, que me diera a Ferismena. |
| --De dar vo la do, el mi yerno, como hija mía y vuestra; | |
| 12 | con esta espada lo corten, si traisión le hisiera.-- |
| Ya la viste, ya la endona, adelante se la lleva; | |
| 14 | por en medio del camino amores l`acometiera. |
| --Vos uerco sois, mi cuñado, oh que uerco paresierais.-- | |
| 16 | Se echó del caballo abaxo, le cortó la media elvuenga; |
| quanto mas corre el caballo, más muncho corría ella; | |
| 18 | tanto fue su corritina que cayó en tierras ajenas. |
| Por allí pasó un pajico, conosido suyo era, | |
| 20 | que de señas le hablaba, que de señas le hisiera, |
| que le diera papel y tinta, una carta le escribiera | |
| 22 | para mandar al rey su padre, que la quitara de aquellas tierras. |
